Bagyong Rolly, isa nang ganap na super typhoon ayon sa PAGASA



Inanunsiyo na ng Philippine Atmospheric, Geophysical, and Astronomical Services Administration (PAGASA) na lumakas ang bagyong Rolly at tuluyan nang naging isang super typhoon.


Hindi man ibinahagi ang lakas nito, maituturing lamang na super typhoon ang mga bagyong lumagpas sa 220 kilometers per hour ang maximum sustained winds.


Ngayon lamang alas 2 ng madaling araw ay inanunsiyo nng PAGASA ang lalong paglakas ng bagyo na nakatakdang mag landfall sa lalawigan ng Catanduanes ngayong Linggo.


Itataas din ng PAGASA sa Signal No. 5 ang tropical cyclone wind signal sa Catanduanes, Silangang bahagi ng Camarines Sur, at Albay.




Inaasahang magiging mapaminsala ang hagupit ng bagyong ito.


"Catastrophic wind damage is expected," ito ay ayon sa babala na ibinaba ng PAGASA.


Bago pa man ibaba ng PAGASA ang anunsiyong ito, itinuring ang naturang bagyo bilang pinakamalakas na tumama sa mundo ngayong taong 2020.


Inaasahang lilisanin ng bagyong Rolly ang Philippine Area of Responsibility (PAR) sa Martes, November 3.

Powered by Blogger.