Claire Dela Fuente sa Christine Dacera case: "Di totoo na nagtatago ang anak ko"



Nagsalita na rin ang veteran singer at negosyante na si Claire Dela Fuente kaugnay ng pagkakasangkot ng kanyang anak na si Gregorio Angelo Rafael De Guzman sa kaso ng pagkamatay ni Christine Dacera.


Ayon kay Rossane Ramos ng Pilipino Star Ngayon, nagpaunlak ng panayam si Dela Fuente at sinabing suportado ang anak.


Naiitindihan umano niya ang nararamdaman ng ina ng biktima sa ngayon subalit umaapela rin siya rito at maging sa publiko na sana'y maging balanse sa kaso upang hindi maikulong ang mga inosenteng tao.



“Pero sana naman may balancing act, maging rasonable tayo para di tayo makasakit ng mga inosent at makapagbiktima ng ibang tao. Let’s not put innocent people in jail,” pahayag ni Dela Fuente.


At bilang ina, aminado rin si Dela Fuente na dismayado umano siya na itinuturing na suspek ang kanyang anak sa pagkamatay ng flight attendant.


“This is so unfair but I know that God has a reason for all of this. The truth is on our side and I am confident na malulusutan ito ng anak ko,” giit niya.


Kwento rin ni Dela Fuente kay Mario Dumaual ng ABS-CBN News, tinawagan pa umano siya ng anak habang tinutulungan nito ang biktima na nais pa umano nitong isalba ang buhay.


“Siya ang nag-CPR sa kanya. Gusto niya talagang mabuhay 'yung tao, kaya siya tumawag sa akin that time, iyak siya nang iyak."




Sa hiwalay na panayam sa anak ni Dela Fuente sa GMA News, sinabi nitong bukod sa isa siya sa unang rumesponde sa walang malay noong si Dacerna, siya rin ang nagdala rito sa ospital. Isa rin siya sa dumiretso sa Police Station kaya wala raw umanong katotohanan ang mga paratang sa kanila na iniwan nila ang biktima.


Gayundin ang nabanggit ni Dela Fuente na wala umanong katotohanang nagtatago ang kanyang anak.


“Pairalin naman natin ang logic. At hindi totoo na nagtatago ang anak ko,"


“Together with our lawyer, I am here to support my son!” pagtatapos ni Dela Fuente.

Powered by Blogger.