Simot si kuya! Delivery rider, naiyak na lang dahil sa fake order



Labis-labis ang sama ng loob ng isang lalaking delivery rider matapos siyang maloko ng isang nagpanggap na customer.


Sa Facebook post ni Jhay De Guzman Torres, hindi na nga nito napigil pa ang maiyak habang ikinukwento ang kanyang sinapit.


Anito, iyon na lamang daw ang kanyang natitirang pera at ginamit ito para sana kumita sa araw na iyon.



Ipinakita rin nito ang resibo ng kanyang binayaran para sa order ng scammer na nagkakahalaga ng P2,600.00.


Marami namang netizens ang naantig ang damdamin sa sinapit ng rider at mayroon pa nga ang nagbigay ng tulong para rito.


Sa kasalukuyan ay mayroon nang libo-libong shares ang post ni Torres sa Facebook.






Ang nangyari kay Torres ay hindi na bago dahil sa sunod-sunod na report tungkol sa mga na-scam na delivery rider.


Kamakailan lang, umabot sa 16 na rider ang nabiktima ng fake orders sa Maynila. Ayon sa nakatira sa iisang address na nagamit sa fake order, sunod-sunod na dumating ang mga riders bandang alas tres ng hapon.


Maraming Pinoy ang nanawagan na agad na maaksyunan ang modus na ito dahil na rin sa awa sa mga nalokong riders na nakikipagbuno sa virus kumita lang ngayong marami sa atin ay apektado ng krisis.

Powered by Blogger.