Driver na naglabas ng hinaing sa kanyang pasaherong may alagang aso, viral



Maraming netizens ang naantig ang puso sa post na naibahagi ni Athena Andrada Porcalla tungkol sa isang Grab driver na naglabas umano ng saloobin sa kanya.


Sa post ni Athena, makikitang mayroon siyang hawak na aso habang sakay sa na-book na Grab car.



Tila napansin ito ng driver at hindi naiwasang magkwento tungkol umano sa kanyang alagang aso.


"May aso din ako, mahal na mahal ko yun," naibahagi ng driver. Subalit ang kumurot sa puso ng marami ay nang ikwento naman niya ang tungkol sa kanyang mga anak.


"Buti pa yun, tuwing uuwi ako sinasalubong ako. Tuwang-tuwa siya na makita ako, samantalang 'yung mga anak ko, hindi ako pinapansin puro lang cellphone hawak," ang hinaing ng driver.




Maraming netizens ang aminadong naging emosyonal sa maiksing pahayag na ito na labis na makabuluhan.


Narito ang ilan sa kanilang mga komento:


"Sad pero totoo, nawawala na rin yung pagma-mano"


"Yung pagod na pagod ka bilang padre de pamilya na nagtatrabaho para sa mga anak, pero sila ni ha ni ho pag dumarating ang magulang wala lang"


"Naluha ako. maiksi lang yung post pero malaman, please kids, konting lambing naman sa parents niyong nagwo-work para sa inyo"


"Sana hindi pagsisihan ng mga anak ni manong driver yung ginagawa nila, maisip sana nila na hindi lahat mayroong masipag na ama o ang malala, hindi lahat mayroon pang ama."

Powered by Blogger.