Seller, nasaktan umano ng buyer dahil bike at 'di pala motor ang binibenta nito



Agaw eksena sa social media ang post ng netizen na si Ejerson Mayor Pendre tungkol sa ibinebenta niya umano na isang "motorsiklo"


Sa unang tingin, tila iisipin mo nga naman na makakamura ka na sa halagang Php10,000 para sa isang motor na mukhang maayos naman ang bihis.


Kaya naman hindi nakapagtataka kung bakit agad na may nagpadala ng mensahe kay Ejerson at nagsabing interesado sa motor na ibinibenta nito.



Kaya naman nakipag-meet up daw si Ejerson para sa bentahan ng motor subalit, nabugbog lamang umano siya ng kanya sanang buyer.


Nang ipakita pa ni Ejerson ang ibang larawan ng "motor", isa pala itong bisikleta na may bihis motorsiklo lang sa unahan.


Dahil dito, naisip ng netizens na kaya naman napahamak ang seller ay dahil sa bike pala ang ibinibenta at hindi motorsiklo.





Narito ang ilan sa kanilang mga komento:


"Ang kulit ni kuya, kaso nasampolan ka po tuloy. Ingat ingat din!"


"Sa unang tingin kala ko naka-jackpot na yung buyer kaso bike pala"


"Pati akong kaibigan mo mabibiktima mo sana"


"Haha, legit ba ito? kung ako si buyer, bibilhin ko pa rin kaso tatawaran ko lang"


"Angas kaya, tawad na lang po kuya pwede?"

Powered by Blogger.