Community pantry sa Bulacan, nagmistulang "mini-market" sa dami ng ibinabahagi



Mababakas ang kasiyahan ng mga residente ng Barangay Bantog sa San Miguel, Bulacan dahil sa community pantry na inilagay sa kanilang lugar.


Nalaman ng Trending Bytes na mismong ang kanilang Barangay Chairman na si Bong Maon at kanyang pamilya ang naglagay ng naturang pantry.


Nagmistulang "mini-market" ang lugar sa dami ng mga gulay at prutas na para sa mga residente ng Bantog lalo na iyong labis na nangangailangan.




Mayroon ding sariwang isda sa kanilang pantry kaya naman masusustansiyang pagkain talaga makakain ng sinumang mabibiyaaan ng mga libreng pagkain.


Kumpleto na rin ang mga pangrekado na maaring maluto bilang ulam. Mapapansin ding magandang klaseng mga gulay at prutas ang ipinamamahagi sa kanilang residente.


Maging ang mga netizens ang humanga sa inisyatibo na ito ng kapitan ng Barangay Bantog na malaki ang naitutulong sa kanilang mga kababayan.


Narito ang ilan sa mga komento ng netizens:





"Wow, sana all! malaking bagay po iyan lalo na sa mga nawalan ng trabaho"


"Masusustansiyang pagkain pa ang ipinamimigay nila. Good Job Kap!"


"Napakaswerte po ng mga kabrangay niyo po! sariwang isda at mga gulay na pwede nilang ulamin ang kanilang makukuha ng libre"


"Tularan po sana kayo ng ibang mga ama ng barangay! Saludo po kami sa inyo"


"Mukhang fresh pa talaga yung mga gulay pati isda meron din. Swerte ng mga taga-Bantog"

Powered by Blogger.