Delivery rider, nawindang sa customer na pinapatagos siya sa pader



Hindi lang ang delivery rider ang nawindang kundi maging ang mga netizens ay nawindang sa isang customer na nagbigay ng instruction sa delivery rider kung paano nito madedeliver ang kanyang parcel.


Binahagi ng isang delivery rider ang mensahe ng nasabing customer na pinapatagos siya sa pader matapos niyang makita ang green na bangka.


Aniya, kailangan lang tumawid ng rider sa dagat at makadaan na ito sa pader na kanyang tinutukoy.



Dahil dito, sinagot siya ng rider kung magic wall daw ba yun dahil sa kanyang pagkabigla sa binigay nitong instruction.


Sagot naman ng customer, marami na raw nag deliver sa kanya at bukod-tangi lang daw itong delivery rider na ito na hindi kayang tumagos sa pader.


Agad namang umani ng mga reaksiyon mula sa mga netizens at mga delivery rider ang nasabing post na umabot na sa mahigit 50,000 ang shares sa Facebook.



Ang pagiging delivery rider ay isa sa mga patok na trabaho sa kasalukuyan dahil sa kinakaharap na pandemya. Dahil sa mga lockdown ay nauuso ang pagbili ng pagkain sa pamamagitan ng internet. Dito sa Pilipinas, ilan sa mga kilalang delivery service ay Grab Express, Lalamove, Mr. Speedy, Fastrack at marami pang iba.

Powered by Blogger.